असल मित्रका लक्षण के के हुन् ? हेर्नुहोस् आजको नीति वचन

Advertisement

शुचित्वं त्यागिता शौर्ये सामान्यं सुखदुःखयोः ।
दाक्षिण्यं चानुरक्तिश्च सत्यता च सुहृद्गुणाः ।।
–चाणक्य

चित्तमा निर्मल, दानशील, बीर, सुख दुःखमा समान रहने, सरल र सत्यवादी हुनु असल मित्रका गुण हुन् ।

असल साथी हुनका लागि सर्वप्रथम चित्तमा विकार हुनु हँदैन भन्ने चाणक्यको मत रहेको छ । चित्त निर्मल नहुने व्यक्ति असल साथी हुन सक्दैनन् । त्यसैले असल साथीमा चित्त शुद्धि हुनु आवश्यक छ । यसैगरी साथीले एक अर्कामा कति वलिदानी दिन सक्छन् भन्ने बारेमा पनि परीक्षा हुने गर्दछ । साथीका निम्ति बलिदानी दिन सक्ने व्यक्ति असल मित्रको कोटिमा पर्ने गर्दछन् भने स्वार्थी व्यक्तित्वलाई निकृष्ट साथीको संज्ञा दिइएको छ । अतः साथीमा दानशीलता रहनु पनि आवश्यक हुन्छ । यसैगरी सुखदुःखमा समभाव राख्ने व्यक्ति पनि असल मित्रको संकेत हो । मित्रको दुःख र सुख दुवैमा साथ दिने साथी नै असल मित्रको दर्जामा पर्ने गर्दछन् । यसैगरी साथी साथीबीच सत्यको व्यवहार गर्ने व्यक्तिलाई पनि असल मित्रको गुण अन्तर्गत राखिएको नीति वचन मननीय छ ।

Advertisement

प्रतिक्रिया दिनुहोस

कृपया प्रतिकृय दिनको लागि प्रस्तुत फरम भर्नुहोला (अनिबार्य )

सम्पादकीय समुह

सम्पादकीय समुह

राशिफल