अपांगता भएका र एकल महिला भत्ता रोक्का गरेकोमा कांग्रेसकाे विरोध

Advertisement

काठमाडाैं, ८ जेठ । सरकारले अतिअशक्त अपांगता भएका व्यक्ति र ६० वर्षमुनिका असहाय एकल महिलालाई दिँदै आइएको सामाजिक सुरक्षा भत्ता वितरण नगर्ने निर्णयप्रति कांग्रेसले गम्भीर ध्यानाकर्षण भएको जनाएको छ ।

अपांगता भएका व्यक्ति र एकल महिलालाई दिँदै आएको भत्ता रोक्का गरेकोमा प्रमुख प्रतिपक्षी नेपाली कांग्रेसले विरोध गरेको हाे ।

सरकारको उक्त निर्णय तत्काल खारेज गरी अविलम्ब सामाजिक सुरक्षा भत्ता वितरण गर्न कांग्रेसले माग गरेको हो।

सामाजिक सुरक्षाको हकबाट बञ्चित रहनु पर्ने छैन भन्ने संविधानको प्रावधानविपरीत सरकारले भत्ता रोकेको कांग्रेस संसदीय दलका प्रमुख सचेतक बालकृष्ण खाँणले उल्लेख गरेका छन्।

बुधबार विज्ञप्ति निकालेर खाँणले कोरोना महामारीबाट प्रताडित भइरहेको अवस्थामा सामाजिक सुरक्षा भत्ता काटिनु गैरजिम्मेवार निर्णय भएको बताएका छन्।

Advertisement

प्रतिक्रिया दिनुहोस

कृपया प्रतिकृय दिनको लागि प्रस्तुत फरम भर्नुहोला (अनिबार्य )

सम्पादकीय समुह

सम्पादकीय समुह

राशिफल