भाग्य चम्काउने उपाय के हो ? हेर्नुहोस् आजको नीति वचन

Advertisement

आस्ते भग आसीनस्योध्र्वस्तिष्ठति तिष्ठतः ।
शेते निपद्यमानस्य चराति चरतो भगश्चरैवेति ।। – एतरेय ब्राह्मण, ३।३

जो मान्छे कार्य नगरी स्थिर रहन्छ उसको भाग्य पनि स्थिर नै हुन्छ । जो कार्यमा निरन्तर जागरुक हुन्छ उसको भाग्य पनि चम्किदै जान्छ । जो केही कार्य नगरी सुत्छमात्र उसको भाग्य पनि सुतिरहन्छ । जो जागा रहन्छ उसको भाग्य पनि जागृत हुन्छ ।

भाग्य चम्काउने सबैलाई इच्छा त हुन्छ तर कसरी भन्ने जिज्ञासा निरन्तर रहन्छ । सोही ज्ञानको अभावपूर्तिका निम्ति ऐतरेय ब्राह्मणमा भाग्य चम्काउने उपाय बताइएको छ । जीवनमा उन्नति प्रगति चाहने व्यक्तिले सदा निरन्तर जागा रहनुपर्छ । जागा रहनुको तात्पर्य भनेको हरेक कार्यमा गम्भीर भएर लाग्नु हो । जो केही काम नगरी स्थिर रहन्छ उसको भाग्य पनि स्थिर हुन्छ । भाग्य हुँदैमा कर्म नगरी फल प्राप्त हुन सक्दैन । कर्मको मार्गमा निरन्तर अघि बढ्नेले नै जीवनमा उन्नति प्रगति गर्न सक्छन् भनिएको छ । जो कार्य नगरी सुतिरहन्छ उसको भाग्य पनि सुतिरहने भएको भाग्य चम्काउन निरन्तर जागरुक रही कर्मको वेदीमा होमिनु पर्दछ । कर्म नै भाग्य चम्काउने मूल मन्त्र हो भन्ने नीति वचन मननीय छ । – नारायणप्रसाद निरौला, ज्योतिषाचार्य, वास्तुविद् –

Advertisement

प्रतिक्रिया दिनुहोस

कृपया प्रतिकृय दिनको लागि प्रस्तुत फरम भर्नुहोला (अनिबार्य )

सम्पादकीय समुह

सम्पादकीय समुह

राशिफल